24/5~呢日係會考後既第一個大日子
等左兩個月呢日終於來臨喇!哈~！ 
首先大概三點多到達四點開始賣goods既場地...wow 
唔該哂Fai既相片提供~！
真係好多人！好多人！
估唔到真係有咁多人咁早就排隊！
可見大家真係等左佢地黎香港好耐喇.. 見到咁多人既時候仲好擔心會買唔到添
結果要到差不多七點先排到...好彩冇賣哂！
但係因為唔夠錢..只係買左一件T同襟章 一路見到Fai多我兩件野就有d jealous XD
講下笑姐~
不過有d「枉我為L' fans」既感覺@@ 入到去Arena..感覺都唔係話太山頂，距離比紅館近~
有好多fans，有男有女，有老有幼~哈仲有唔同國籍
L'Arc~en~Ciel 音樂影響範圍真係廣~
差不多八點咁上下最前排既fans開始係度尖叫左幾次
好似尖叫綵排咁@@
搞到好鬼緊張！ 到左真係出黎喇！！超開心！！
開場既第一首歌唔係預期既High歌
反而係充滿神秘感既Get out from the shell~ 但係當我聽到d人又尖叫又拍哂手個陣..
我真係有d開心到想喊..
好似唔敢相信真係可以現場聽到佢地既表演！ 尤其當佢地跟住唱為熟悉既歌個陣
Driver's High一到''CRASH!''個陣個個一齊跳起身
感覺超正！！
hyde MC個陣都話超正XD~!! 仲有我最鍾意既其中兩首歌--花葬同forbidden lover
現場既感覺既真係唔同架..
完全唔同DVD，終於可以親身感受現場既感覺喇！
值得一提既仲有My Heart Draws A Dream..
ken的solo真係...無得彈！
大家一齊好齊心咁唱''夢を描くよ 夢を描くよ 夢を描くよ''~ 本身對Seventh Heaven同READY STEADY GO唔係話太鍾意
但係無可否認呢首歌係演唱會上絕對能將氣氛拉到最高！
尤其當hyde講「are you fucking REDAY??!!」個陣！
好開心！！ 最後仲驚喜地唱左敘情詩同HONEY~經典呢
到最後一首歌既時候hyde叫我地一齊唱..
但係個首歌我唔識唱...= =
感覺有d可惜呢咁快就完 
兩個鐘頭既表演真係過得好快
全程我都落足力fing頭跟住跳~好好玩好開心！
雖然只係支持左佢地三年
尋日能親身感受一下佢地現場live真係覺得好幸運
有好多fans可能已經第左好多年好多年 hyde老實講狀態不錯！沒有失準！
bass同結他更加唔駛講吧
四個發出既聲音既個種和諧我呢世都唔會忘記~
每個人既MC全部都係廣東話~
相信佢地都練左好耐
希望佢地對香港fans印象都好好啦~ 完場個陣真係覺得好唔捨得
希望佢地三年後以L'Arc~en~Ciel名義再搞show既時候..
會預埋香港份啦！
能夠睇到佢地黎香港表現
真係好開心既一日~！!！ ~~~~~~~~ | 
